O Concello de Celanova respondeu á demanda deste Comité para protexer a pintada «Adiante Semanario», que fai parte da fachada do Mosteiro de Celanova e da Praza Maior de Celanova desde tempos das Mocedades Galeguistas, fundadas por Celso Emilio e Pepe Velo, entre outros, durante a Segunda República e que tiveron como un dos órganos de expresión a publicación Adiante Semanario.
O Comité de Memoria Histórica da Comarca de Celanova agradece a resposta inmediata do Concello de Celanova, e anima ás institucións políticas e educativas a divulgar entre a veciñanza a historia que está detrás desa pintada e o que representa para o acervo cultural da vila.
O Comité de Memoria Histórica da Comarca de Celanova lembra que o Mosteiro de Celanova goza da protección como BIC desde 1949 e reclamará unha protección equivalente tamén para este elemento.
ARTIGO DEBALDO RAMOS (membro deste Comité) en adiante.gal en MAIO do 2018.
0 comentarios